ကြေကွဲခန်း

ကြေကွဲခန်း

ယနေ့မှ စ၍ ရေတွက်သော်.....

မနေ့က ဖြစ်သည်....။

.

လိပ်ပြာငယ် တောင်ပံခတ်သံကြောင့်

အချို့ ရှိုက်ငင်................ရယ်မောလျှက်...

တချို့ အမြင့်ပျံ............လဲ ပြိုကျလျှက်..........။

.

ထိုးချေခံထားရသော "အလွမ်း"တို့ အိပ်မောကျခိုက်

လေပြေ သည် ဒဏ်ရာအား တဆစ်ဆစ် နာကျင်စေခဲ့ပြီ.....။

.

နှလုံးသွေးပွက်သံ ကြား စဉ်ကပင်.....

အချစ် သည် အိမ်ရှေ့မှ တရားဝင် ထွက်ခွါသွားလေသည်.....။

ဤနေရာ သို့ "နာကျင်ခြင်း" မလာရ ဟုတားမြစ်ထားပါလျက်...

သောက သည် ရက်စက်ခြင်း ကိုအဖေါ်ပြုကာ

အိမ်ဦးခန်းသို့ရောက်နှင့်သည်.....။

.

.

အို......အရှင်မ.....

ဘယ်လက်ဖြင့် အကြင်နာကိုပေးပါလော့.....

ညာလက်ဖြင့်မေတ္တာ ကိုပေးပါလော့......

ဤအရပ်ကား......ဂရုဏာဆိတ်သုဉ်းသော

နရသိန် တည်း......။

.

အို......အရှင်မ.....

ကြီးစွာသော သနားညှာတာခြင်းကို အလိုရှိပါသည်.....

ကျိန်စာကိုနှုတ်ယူ ဦးလော့........။

စာမျက်နှာ " ၄၇ " ကို ကိုယ်တိုင်ရေးခွင့်ပြုပါ.....။

.

အထီးကျန် ချိနဲ့တဲအိုပျက်သို့.....

ဟန်ဆောင်ခြင်း၊ လှည့်ဖြားခြင်း နှင့် အပေါင်းပါတို့ မလာစေသင့်ပါဟု

တိုးလျှိုးတောင်းပန်ပါသော်လည်း.....

မာယာ သည် ကြီးစွာသောရယ်သံကိုပြုဘိတကား.......။

.

.

တပေါင်းလ၏ နာမဝိသေသန မှာ ကြေကွဲ ခြင်းဖြစ်ပါသည်......။

ယနေ့မှ စ၍ရေတွက်သော်..... မနေ့က ဖြစ်ပါသည်........။

.

.

.

.

ထာဝရ ကျန်းမာ,ပျော်ရွှင်,ချမ်းမြေ့ပါစေ........နော်......

သျှင်ငြိမ်းချမ်း..........................။

(25th,Mar.2024 1:10 Am)

.

.

.

.

*နရသိန်=အကျဉ်းထောင် ။

*စာမျက်နှာ ၄၇ = အသက် ။

*နှလုံးသွေးပွက်သံ = Duke’s B