မြန်မာစာရေးနည်း အကျဉ်းမှတ်ဖွယ် သံခိပ်နိယံ
(၁)
ကွက်လပ် ( )
၁။ ဝိဘတ်တစ်လုံး၊ ဆုံးခဲ့တုံမှတ်၊
ပုဒ်နောက်ရပ်၊ `ကွက်လပ်´ ခြားရမည်။
(၂)
ပုဒ်သေး ( ၊ )
၂။ ဝါကျငယ်ပင်၊ ဆုံးခဲ့လျှင်၊ အစဉ် `ပုဒ်သေး´ချရမည်။
၃။ အမည်ဂုဏ်ပုဒ်၊ ယှဉ်တွဲထုတ်က၊ ဂုဏ်ပုဒ်
ရှေ့တွင်၊ `ပုဒ်သေး´ဝင်၊ အစဉ်ထားရမည်။
၄။ နေ့စွဲနောက်ရပ်၊ စာအမှတ်နောက်တွင်၊ `ပုဒ်သေး´ဝင်၊ အစဉ်ထားရမည်။
၅။ ဂါထာဗန္ဓ၊ ပ,နှင့် တ, တို့၊ ပါဒဆုံးတွင်၊ `ပုဒ်သေး´ ဝင်၊ အစဉ်ထားရမည်။
၆။ ကဗျာစီမှု၊ ရတု စ,စွာ၊ ပါဒအဆုံးတွင်၊ `ပုဒ်သေး´ဝင်၊ အစဉ်ထားရမည်။
၇။ သံပေါက် ရှည် တို၊ လင်္ကာကို၌၊
ထိုနည်းအတိုင်းပင်၊ `ပုဒ်သေး´ဝင်၊ အစဉ်ထားရမည်။
၈။ သံပေါက်ရေးရာ၊ ရှေးနှစ်ပါဒတွင်၊ `ပုဒ်သေး´ဝင်၊ အစဉ်ထားရမည်။
၉။ ရှစ်လုံးဘွဲ့ထုံး၊ ရှစ်လုံးဆုံးက၊
သုံးပါဒတွင်၊ `ပုဒ်သေး´ဝင်၊ အစဉ်ထားရမည်။
၁၀။ ဒွေးချိုး, တြိချိုး၊ လေးချိုးကဗျာ၊ ရေးကာစီကြ၊
ချိုးရှေ့မှလျှင်၊ ပါဒနောက်တွင်၊ `ပုဒ်သေး´ဝင်၊ အစဉ်ထားရမည်။
၁၁။ တေးထပ်မျိုးမှန်၊ သုံးကဏ္ဍဝယ်၊
ရှေ့ပုဒ်သွယ်၌၊ မှတ်ဖွယ် `ပုဒ်သေး´ချရမည်။
၁၂။ စာမျက်နှာများ၊ ပိုဒ်ရေးများကို၊
ညွှန်ကြားရာတွင်၊ များခဲ့လျှင်၊ ကြားတွင်-`ပုဒ်သေး´ ချရမည်။
၁၃။ သို့မဟုတ် ရှေ့တွင်၊ `ပုဒ်သေး´ဝင်၊ အစဉ်ချရမည်။
၁၄။ အနက်နောက်တွင်၊ `ပုဒ်သေး´ဝင်၊ အစဉ်ချရမည်။
(၃)
ပုဒ်ကြီး၊ ပုဒ်မ ( ။ )
၁၅။ စုပေါင်းဝါကျ၊ ရေးခဲ့ကျရာ၊ နောက်ဆုံးမှာ၊
ချပါ `
ပုဒ်ကြီး´တည်း။
၁၆။ တစ်ဝါကျတည်း၊ ပြီးဆုံးခဲ့ရာ၊ ထိုအခါ၊
ချပါ `
ပုဒ်ကြီး´တည်း။
၁၇။ အပိုဒ် နံပါတ်၊ နောက်ရပ်တွင်မှာ၊ ချပါ ` ပုဒ်ကြီး´တည်း။
၁၈။ အမှတ်စဉ်ကို၊ ပြဆို နံပါတ်၊ ထိုနောက်ရပ်၊
ချအပ် `ပုဒ်ကြီး´ တည်း။
၁၉။ သင်္ချာနောက်မှ၊ ပြသည့် သင်္ချေ၊
နောင်၌ပေ၊ ချလေ `ပုဒ်ကြီး´တည်း။
၂၀။ ဂါထာဗန္ဓ၊ ဒု,နှင့် စ,ပင်၊ အဆုံးတွင်၊ ချချင် `ပုဒ်ကြီး´ တည်း။
၂၁။ ကဗျာစီမှု၊ ရတု စ,စွာ၊ ပါဒကုန်သုဉ်း၊ အပိုဒ်ဆုံး၊ သုံးလေ `ပုဒ်ကြီး´တည်း။
၂၂။ သံပေါက် တိုရှည် (ရှည်) ဆုံးတုံပေ၊
သုံးလေ `ပုဒ်ကြီး´တည်း။
၂၃။ ကဗျာရှစ်လုံး၊ ဖွဲ့စီကုံး၊ ပြီးဆုံး `ပုဒ်ကြီး´ တည်း။
၂၄။ ဒွေးချိုး၊ တြိချိုး၊ လေးချိုးရေးထုံး၊
ချိုးပုဒ်ဆုံး၊ စွဲသုံး `ပုဒ်ကြီး´တည်း။
၂၅။ တေးထပ်မျိုးမှန်၊ ကဏ္ဍသုံးခု၊
ဆုံးတုံမှု၊ သုံးပြု `ပုဒ်ကြီး´တည်း။
၂၆။ မှတ်, ညွှန်း ကြောင်းရာ၊ အမှာ, ခြွင်းချက်၊ ပြလျက် နောက်တွင်၊ `ပုဒ်ကြီး´ ပင်၊ အစဉ်နှစ်ချက်တည်း။
၂၇။ ခေါင်းစီး, ထိပ်စီး၊ ရေးပြီးဆုံးရာ၊ ချပါ `ပုဒ်သေး ပုဒ်ကြီး´ တည်း။
(၄) တုံးတို ( - )
၂၈။ ရှေ့နောက် တည်ငြား၊ ပုဒ်နှစ်ပါးမှ၊
စကားလွှဲဆို၊ မရောလို၊ `တုံးတို´ ချလေမြဲ။
၂၉။ ရှေ့နောက် နှစ်လီ၊ မတူညီ၊ လယ်ဆီ `တုံးတို´ ချလေမြဲ။
၃၀။ ဂဏန်းရှေ့သွား၊ စာနောက် ထား၍၊
ရေးသားတုံမြောက်၊ ဂဏန်းနောက်၊ မဖောက် `တုံးတို´ ချလေမြဲ။
၃၁။ အနက်ပေးရာ၊ ပါဠိနောက်တွင်၊ `တုံးတို´ပင်၊ အစဉ်ချစမြဲ။
၃၂။ ဝေါဟာမကုန်၊ စာကြောင်းကုန်၊ တစ်ဖုံ `တုံးတို´ ချစမြဲ။
၃၃။ မိတၱဴပုိ႕ရာ၊
ျဖန္႕ေ၀ရာ၊ ေရွ႕မွာ `တုံးတို´ခ်စျမဲ။
(၅)တုံးရွည္(--)
၃၄။ မိတ္တူဖြန့်ဝေ၊ ပုဒ်နောင်ပေ၊ ချလေ `တုံးရှည်´သာ။
၃၅။ သင်္ချေသရုပ်၊ ရေးစီထုတ်၊ သရုပ်ရှေ့မှာ၊ `တုံးရှည်´သာ။
၃၆။ အဓိပ္ပါယ်ကို၊ ပြန်ဆိုရာဝယ်၊ အဓိပ္ပါယ်
နောက်မှာ၊ `တုံးရှည်´သာ။
၃၇။ ပမာ, ပမေ၊ ဆင်လေတန်ဆာ၊ ရေးသောခါတွင်၊ ဥပမာနောက်မှာ၊ `တုံးရှည်´သာ။
၃၈။ ဝါကျဆုံးလျက်၊ ဆက်ရန်စကား၊ ရှိတုံငြား၊
ချထားမှန်စွာ၊ `တုံးရှည်´သာ။
(၆)
အောက်မျဉ်း ( ___ )
၃၉။ ထူးသတိပြု၊ ကြည့်ရှုစေချင်၊ စာပိုဒ်တွင်၊
ထင်ထင် `အောက်မျဉ်း´ဆွဲ။
(၇) ပုဒ္ကန္႕ ( , )
၄၀။ သရုပ် သင်္ချေ၊ ရေတွက်လေရာ၊ ထိုအခါ၊ ချပါ
`ပုဒ်ကန့်´တည်း။
၄၁။ သချင်္ာကိန်းများ၊ သုံးလိုငြားက၊
ငါးလုံးတစ်ဖြာ၊ သုံးလုံးမှာ၊ ထားပါ `ပုဒ်ကန့်´တည်း။
၄၂။ ထက်အောက်စဉ်ခါ၊ ကိန်းသင်္ချာကို၊ ဆုတ်ခါ
မြှင့်တင်၊ ရေးလိုလျှင်၊ ဝင်လေ `ပုဒ်ကန့်´တည်း။
၄၃။ မျိုးတူ မည်ကွဲ၊ တစ်ကြောင်းတည်း၌၊
တွဲစပ်ရေးလျှင်၊ ဝင်လေ `ပုဒ်ကန့်´တည်း။
(၈)
မီးပြကြီး ( “ “ )
၄၄။ ပြောဟန်, ဆိုဟန်၊ ပြလိုပြန်၊ ထည့်ရန် `မီးပြကြီး´။
၄၅။ အကြံဖြစ်ဟန်၊ ရေးလိုပြန်၊ ထည့်ရန် `မီးပြကြီး´။
(၉)
မီးပြကလေး ( ` ´ )
၄၆။ တစ်ဆင့်ပြောဟန်၊ ကြံစည်ဟန်ကို၊
ရေးရန်ကြုံက၊ `မီးပြကြီး´အတွင်း၊ `မီးပြကလေး´ကိုသွင်း။
(၁၀)
လက်သည်းကွင်း ( )
၄၇။ ရှေ့ပုဒ်နှင့်မူ၊ သဘောတူ၊ ထည့်ယူ `လက်သည်းကွင်း´။
၄၈။ သင်္ချာနှင့်စာ၊ တူပြရာ၊ သင်္ချာ `လက်သည်းကွင်း´။
၄၉။ ကိန်းဂဏန်းမှာ၊ သင်္ချာ နှင့် စာ၊
နှစ်ဖြာရေးလျှင်၊ စာတွင် `လက်သည်းကွင်း´။
၅၀။ ပိုဒ်ခွဲ က,ခ၊ ရေးသုံးက၊ ထည့်ကြ `လက်သည်းကွင်း´။
၅၁။ ဇယားကွက်ထား၊ အမှတ်များ၊ ရေးသား `လက်သည်းကွင်း´။
(၁၁)
တွန့်ကွင်း { }
၅၂။ မြန်မာစာလုံး၊ `တွန့်ကွင်း ´သုံး၊ လုံးလုံးမရှိပါ။
(၁၂)
ထောင့်ကွင်း [ ]
၅၃။ ရည်ညွှန်း, မှတ်ချက်၊ ရှင်းလင်းချက်နှင့်၊
ခြွင်းချက်တို့မှာ၊ `ထောင့်ကွင်း´သာ။
၅၄။ သတိပြုစရာ၊ အမှာစကား၊ ရေးစီသား၊ ထည့်ငြား
`ထောင့်ကွင်း´သာ။
(၁၃)
တစ်ဘက်ကွင်းရှည် -}
၅၅။ အရေးကြီးလာ၊ ကြောင်းခြင်းရာကို၊ ပေါင်းကာစုကြ၊ `တစ်ဘက်ကွင်းရှည်´ကိုပြ။
၅၆။ စကားပေါရာ၊ များတုံပါလည်း၊ ဓိပ္ပာ, အတ္တ၊ တစ်ခုရ၊ `တစ်ဘက်ကွင်းရှည်´ကိုပြ။
(၁၄)
ခရေပွင့် ( * )
၅၇။ အောက်ခြေမှတ်စု၊ ညွှန်းပြမှု၊ ရေးပြု `ခရေပွင့်´။
(၁၅)
မျဉ်းစောင်း ( / )
၅၈။ သို့မဟုတ်ကို၊ ခြုံးပြလို၊ သုံးလို `မျဉ်းစောင်း´သာ။
(၁၆) အေမးလကၡဏာ ( ? )
၅၉။ အမေးစာသား၊ ရေးစီငြား၊ ပြထား `အမေးလက္ခဏာ´ တည်း။
(၁၇)
အာမေဍိတ် ( ! )
၆၀။ ကြောက်ခြင်းစာသား၊ အကြောင်းများကြောင့်၊
စကားပြောဟန်၊ ရေးလိုပြန်၊ ထားရန် `အာမေဍိတ်´ လက္ခဏာတည်း။
(၁၈)
ချန်ကွက် ( ….. )
၆၁။ တမင်ချန်လျက်၊ အညွှန်းဆက်၊ `ချန်ကွက်´ကိုသာသုံးလေတည်း။
(၁၉)
မြုပ်ကွက် ( … )
၆၂။ ကြွင်းကျန်စာမှတ်၊ နည်းတုံလတ်၊ ချအပ် `မြုပ်ကွက်´တည်း။
(၂၀)
မြုပ်ကွက်များ ( …… )
၆၃။ ကြွင်းကျန်စာမှတ်၊ များတုံလတ်၊ ချအပ် `မြုပ်ကွက်များ´သာတည်း။
မြန်မာစာရေးနည်း အကျဉ်းမှတ်ဖွယ် သံခိပ် နိယံ
ပြီးပြီ။
သာသနဓဇဓမ္မာစရိယ ဝိနယပါဠိပါရဂူ လယ်တီအရှင်ကေလာသ
မုံရွာမြို့ လယ်တီတိုက်
No comments:
Post a Comment