မာရ်နတ်၏ တပ်မကြီး ဆယ်တပ်

 မာရ်နတ်၏ တပ်မကြီး ဆယ်တပ်

=====================

တရားဘာဝနာ အားထုတ်မည့် ယောဂီ သူတော်ကောင်းတွေ အတွက် ရှောင်သင့် ရှောင်ထိုက်သော မာရ်တပ် ၁၀-တပ် ဖြစ်ပေသည်။ ထိုတပ် ၁၀-တပ်အား မကျော်လွား နိုင်ခဲ့သော် မိမိတို့ အလိုရှိ အပ်သော တောင့်တ အပ်သော ပန်းတိုင်သို့ ရရှိနိုင်မည် မဟုတ်ပေ။

၁။ ကာမ တဏှာ - 

လူဘဝ၊ နတ်ဘဝ၊ ဗြဟ္မာဘဝ စသည့်ဘဝနှင့် စည်းစိမ် တို့အား လိုလား တောင့်တ အပ်သော ဝတ္ထုတဏှာ၊ ကာမဂုဏ် တို့အား လိုလား တောင့်တ အပ်သော ကာမတဏှာ။

၂။ မမွေ့လျော်ခြင်း -

 ယောဂီအဖြစ်၊ ရဟန်းအဖြစ်၊ သီလရှင်အဖြစ် စသည်၊ တရားအလုပ်၊ ပရိယတ်အလုပ်၊ ပရိပတ်အလုပ်၊ ဆိတ်ငြိမ်ရာ တောကျောင်း၊ တောင်ကျောင်း၊ သမထ၊ ဝိပဿ နာ စသည်တို့၌ မမွေ့လျော်ခြင်း။

၃။ ဆာလောင် မွတ်သိပ်ခြင်း - 

ဓုတင် စသည်တို့၌ မစောင့်ထိမ်း နိုင်ခြင်း၊ ညနေစာ ဟူသော ဝိကာလ ဘောဇနာအား မစောင့်ထိန်း နိုင်ခြင်း၊ သူတစ်ပါး လှူသော လှူဖွယ် တို့အား မစားနိုင်ခြင်း စသည်။

၄။ စိတ်ကုန်ခမ်းခြင်း - 

ဘာဝနာ မှုတို့၌ ပျင်းရိခြင်း၊ မမွေ့လျော်ခြင်း၊ စိတ်ပါ လက်ပါ မရှိခြင်း။

၅။ ထိနမိန္ဒ - 

အိပ်ချင် ငိုက်မြည်းခြင်း ။

၆။ ဘီရု - 

သမာဓိတို့ ကျဆင်းလာသဖြင့် အကြောက်တရား တို့ဖိစီးခြင်း။

၇။ ဝီစိကိစ္ဆာ - 

ယုံမှားသံသယရှိခြင်း၊ ယခုခေတ်မှာ ဈာန်တရား ဆိုတာ ရှိနိုင်ပါ့မလား၊ အာနပါန လုပ်ရုံနဲ့ နိဗ္ဗာန် ရနိုင်ပါ့မလား။ မဂ်ဉာဏ၊် ဖိုလ်ဉာဏ် ဆိုတာကော ရှိပါ့မလား စသည်ဖြင့် ယုံမှားခြင်း။

၈။ မဂ္ဂ ထံပ - 

ဘာဝနာ မှုတွေ အားကောင်း လာပြီး၊ ဈာန်တွေလည်း ရှုရလာတယ်၊ ဝိပဿ နာ တွေလည်း ရှုရလာတယ်။ ထိုသို့ ရှုရလာသော် ကျေးဇူးရှင်ဆရာ မိဘတို့ အပေါ်၌ ကျေးဇူးတရား တို့အား ချေဖျက်ခြင်း အမှုကိုပြု ုခြင်း။

၉။ လာဘသက္ကာယ စသည်- 

လာဘ်လာဘ၊ အခြွေအရံတွေ ပေါများ လာ၍ ထိုထိုသော အာရုံတွေ နောက်လိုက်ခြင်း။

၁၀။ မာန်မာန 

ထားကာ မိမိကိုယ်ကို ချီးမြောက်ခြင်း၊ သူတစ်ပါး တို့အား နှိမ့်ချခြင်း၊ မထီမဲ့မြင်ပြု ခြင်း စသည်တို့ ဖြစ်ပါတယ်။ ယောဂီ သူတော်ကောင်း အနေဖြင့် ထိုမာရ်တရား ဆယ်ပါးအား ကျော်လွှား လွန်မြောက်ကာ နိဗ္ဗာန်ရွှေပြည်သို့ တက်လှမ်းနိုင်ကျပါစေ။

(ခုဒ္ဒကနိကာယ်၊သုတ္တနိပါတ်၊မဟာဝဂ္ဂ၊ပဓာနသုတ္တံ)

#ဖားအောက်တောရဆရာတော်